კვლევის პროცესის მეორე ფაზა, რომელშიც ჰიპოთეზის შემოწმებისთვის ფაქტების მოპოვება ხდება.
ფსიქოლოგიური კვლევის პროცესი შეიძლება ორ თანმიმდევრულ ფაზად დაიყოს: იდეის ჩამოყალიბება ანუ აღმოჩენის ეტაპი და მისი შემოწმება, ანუ დასაბუთების ეტაპი. უმეტეს შემთხვევაში, მკვლევრები აღმოჩენიდან თეორიების შემოწმებაზე გადადიან. სწორედ დასაბუთების ეტაპზე ხდება ჰიპთეზის შესამოწმებლად ფაქტების მოპოვება, რაც საკმაოდ რთულია. ფსიქოლოგებმა ისეთი მონაცემები უნდა შეაგროვონ, რომლებიც ვალიდური დასკვნების გაკეთების საშუალებას მისცემთ. ამისათვის ისინი მეცნიერულ მეთოდს იყენებენ. პირველ რიგში, ეს ნიშნავს იმას, რომ დასაბუთების ეტაპზე მკვლევრებმა სრულად უნდა დააფიქსირონ მონაცემთა შეგროვებისა და ანალიზის სტადიები ისეთი ფორმით, რომ სხვა მკვლევარს მათი გაგება და შეფასება შეეძლოს.
გარდა ამისა, უნდა დაიძლიოს დამკვირვებლის ტენდენციურობა, რაც მონაცემთა შეგროვების სტანდარტიზაციითა და ცნებების ოპერაციულად განსაზღვრით მიიღწევა. ასევე, მკვლევრებმა უნდა გააცნობიერონ ალტერნატიული ახსნის არსებობის ფაქტები, როგორებიცაა მოლოდინისა და პლაცებო ეფექტები. სანდო და ვალიდური დასკვნების მისაღებად ისინი ისეთ პროცედურებს იყენებენ, როგორებიცაა ორმაგად ბრმა კონტროლი და პლაცებო კონტროლი.
***
გამოყენებული ლიტერატურა:
გერიგი, ზიმბარდო (2009). ფსიქოლოგია და ცხოვრება, მე-16 გამოცემა. თსუ, თბილისი.