რიცხვი, რომელსაც მოცემული შემთხვევითი ცვლადი არ აჭარბებს გარკვეული ფიქსირებული ალბათობით. თუ X შემთხვევითი სიდიდეა და $p\in (0,1),$მაშინ p-კვანტილი (ან p დონის კვანტილი) ეწოდება ისეთ $x_p$ რიცხვს, რომ $\left\{\begin{array}{l}P(X\le x_p)\ge p;\\ P(X>x_p)\le 1-p.\end{array}\right.$შინაარსით კვანტილი იგივეა,  რაც პროცენტილი, p-კვანტილი ემთხვევა P=p.100% პროცენტილს. მაგალითად, 0.5 კვანტილი იგივეა, რაც მედიანა ანუ 50 პროცენტილი. ცხადია, რომ p-კვანტილი ემთხვევა ზედა 1-p კრიტიკულ წერტილს. 

ნახაზზე $F_p$-თი აღნიშნულია p-დონის კვანტილი f(x) სიმკვრივის მქონე შემთხვევითი სიდიდისათვის. ამ შემთხვევაში დაშტრიხული არის ფართობი ზუსტად p-ს ტოლია.

***

გამოყენებული ლიტერატურა:

Field, A. (2013). Discovering Statistics Using IBM SPSS Statistics. SAGE Publications Ltd.

კისი, ჰ. (2008). სტატისტიკა სოციალურ მეცნიერებებში. სოციალურ მეცნიერებათა ცენტრი.  თბილისის უნივერსიტეტის გამომცემლობა