ორგანიზაციული პროცესის ფუნდამენტური გადახედვა და რეკონსტრუქცია, რათა ორგანიზაციაში შრომის ინტენსიურობის მნიშვნელოვანი საზომების, ხარჯისა და სერვისის ხარისხის მნიშვნელოვანი გაუმჯობესება მოხდეს. რესტრუქტურიზაციას ორგანიზაციული რეორგანიზაცია განვითარების ახალ სტადიაზე აჰყავს და ორიენტირებულია იმაზე, რომ პროგრამების მართვის პროცესის გადახედვა და მათზე ხელახალი ფოკუსირება ახალი ტექნოლოგიების, განსაკუთრებით კი, კომპიუტერული ტექნოლოგიების განვითარების ეპოქაში არსებული ახალი შესაძლებლობებიდან გამომდინარე მოხდეს. ამით უზრუნველყოფილია ორგანიზაციის წინაშე არსებული მიზნებისა და ამოცანების შესრულების პირობებში ორგანიზაციის მიერ მაქსიმალური სარგებელის მიღება.
რესტრუქტურიზაციის მიზანი იმაზეა დამოკიდებული, თუ რა ტიპის ორგანიზაციულ გამოწვევებზე საპასუხოდაა ის გამოყენებული. სწორედ ამ მიზეზით, ორგანიზაციული რესტრუქტურიზაციის მიზანი სხვადასხვა დროს, შესაძლებელია იყოს როგორც ორგანიზაციის კონკურენტუნარიანობის ამაღლება, ორგანიზაციიის საზოგადოებრივ იმიჯზე ზრუნვა ან ორგანიზაციის შიდაოპერაციული ციკლის გაუმჯობესება. მიუხედავად იმისა, რომ ორგანიზაციული განვითარების კონცეფცია ადმინისტრირების თეორიაში ახალი არაა, რესტრუქტურიზაციის მიმართულების მნიშვნელოვანი წინწაწევა გასული საუკუნის 90-იან წლებში უკავშირდება მასაჩუსეტსის ტექნოლოგიური ინსტიტუტის პროფესორის, მ. ჰამერის, სახელს, რომელმაც ჰარვარდის ბიზნეს სკოლის პერიოდულ გამოცემაში გამოქვეყნებული სტატიის შემდეგ, რესტრუქტურიზაციის მიმართულება მთლიანად მომხმარებელზე ორიენტირებული მოდელით აგების სასარგებლოდ წაიყვანა.
კერძო სექტორში ორგანიზაციული რესტრუქტურიზაციის პროცესის შედეგად მიღებული პოზიტიური შედეგების კვლადაკვალ მისი აქტიური გამოყენების ტენდენცია შეიმჩნევა საჯარო სექტორშიც. თუმცა, გასათვალისწინებელი ხდება ის კრიტიკული პოზიციებიც, რომელიც დღეს რესტრუქტურიზაციის მიმართ ჩნდება. ამ თვალსაზრისით აღსანიშნავია, პირველ რიგში, მოკლედვადიან ცვლილებათა ჩარჩოზე აქცენტირება და ფოკუსირება ორგანიზაციის ქვედა, დეპატამენტების დონის ცვლილებებზე, იმ დროს, როცა ორგანიზაციის ზედა მენეჯმენტი შესაძლებელია, ამ ცვლილებებთან თავსებადი არ იყოს.
***
გამოყენებული ლიტერატურა:
Shafritz, J. M. (2004). The dictionary of public policy and administration. Boulder, Colo: Westview Press