გამოიყენება სიხშირეთა განაწილების გრაფიკული წარმოდგენისათვის როგორც დაუჯგუფებელი მონაცემებისათვის, ასევე მონაცემთა ინტერვალური დაჯგუფების შემთხვევაში. ვთქვათ, $x_1<x_2<x_3<...<x_k$ შერჩევის მონაცემების ზრდის მიხედვით დალაგებული ვარიანტებია, $n_1,n_2,n_3,...n_k$ კი ამ ვარიანტების შესაბამისი სიხშირეები, მაშინ პოლიგონი არის $(x_1,n_1), (x_2,n_2),(x_3,n_3), ....(x_k,n_k)$ კოორდინატებიანი წერტილების შემაერთებელი წირი (ტეხილი).

მაგალითი:  თუ მონაცემებში ქულების ვარიანტებია 3, 5, 6, 7, 8, 9 და ამ ვარიანტების შესაბამისი სიხშირეებია 3, 2, 1, 5, 2, 2, შესაბამისად, მაშინ პოლიგონი იქნება შემდეგი სახის:

მონაცემთა ინტერვალური დაჯგუფების შემთხვევაში, ინტერვალების შუაწერტილების თავზე ავიღებთ წერტილებს ამ ინტერვალებში ჩავარდნილი მონაცემების სიხშირეების ტოლ სიმაღლეებზე და შევაერთებთ მათ.

ხშირად პოლიგონის ასაგებად იყენებენ ვარიანტების არა სიხშირეეებს, არამედ ფარდობით სიხშირეებს $\frac{n_1}{n},\frac{n_2}{n}, \frac{n_3}{n},....\frac{n_k}{n}$ , სადაც  $n=n_1+n_2+...+n_k$ შერჩევის მოცულობაა. 

***

გამოყენებული ლიტერატურა:

Field, A. (2013). Discovering Statistics Using IBM SPSS Statistics. SAGE Publications Ltd.

კისი, ჰ. (2008). სტატისტიკა სოციალურ მეცნიერებებში. სოციალურ მეცნიერებათა ცენტრი.  თბილისის უნივერსიტეტის გამომცემლობა