კომოდიფიკაცია კაპიტალიზმის კარლ მარქსისეულ ანალიზში ერთ-ერთი არსებითი ცნებაა. კომოდიფიკაცია გაიგება როგორც პროცესი, რომლის შედეგადაც რაიმეს მიმოცვლის ღირებულება შორდება მისი მოხმარების ღირებულებას. მაგალითად, კაპიტალისტურ ეკონომიკაში შრომა ღირებული მხოლოდ იმიტომ არის, რომ მისი გაყიდვა ან გაცვლაა შესაძლებელი (მიმოცვლის ღირებულება). კომოდიფიკაციას სოციალური ურთიერთობების სხვადასხვა ფორმა საბაზრო ვაჭრობამდე დაჰყავს. შრომის შემთხვევაში, კაპიტალიზმი მის მიმოცვლის  ღირებულებას ამცირებს (დაბალი ხელფასებითა და მშრომელთა ექსპლუატაციით) და, ამავდროულად, ზრდის მოხმარების საგნების ღირებულებას.

კომოდიფიკაციის ცნება მარქსისტმა ფემინისტებმა პირველად ოჯახში შრომის „ღირებულების“ ანალიზისას გამოიყენეს ე. წ. „საოჯახო საქმის ანაზღაურების“ შესახებ დებატების პერიოდში. დღეს კომოდიფიკაცია მრავალი ფემინისტური დისკუსიის თემაა. ქალთა კომოდიფიკაციის პრობლემა წამოიჭრება ისეთი საკითხების განხილვისას, როგორიცაა, მაგალითად, კეთილდღეობის სახელმწიფოს სისტემის ნგრევა და ქალების პრივატიზებულ „მომვლელებად“ ქცევა სახელმწიფოს მიერ ჯანდაცვის, ბავშვებზე და მოხუცებზე ზრუნვის სფეროების უგულებელყოფის შედეგად.

*** 

გამოყენებული ლიტერატურა: 

Code L. (2000), Encyclopedia of Feminist Theories, Routlege.