შეფარდების სკალაზე მიღებული მონაცემები (შეფარდების სკალის ცვლადის გაზომვის შედეგად). შეფარდების სკალა ინტერვალური სკალისგან მხოლოდ იმით განსხვავდება, რომ ნულოვანი წერტილი მიუთითებს გასაზომი თვისების არარსებობაზე. მაგალითად, თუ სტუდენტმა გამოცდაზე მიიღო 0 ქულა (შეფარდების სკალა), ეს ნიშნავს, რომ მას ქულა არ გააჩნია, მაგრამ ტემპერატურა ცელსიუსის სკალაზე უდრის 0-ს (ინტერვალის სკალა) არ ნიშნავს ტემპერატურის არარსებობას. როდესაც ცვლადი (შესაბამისად, მონაცემები) შეფარდების სკალაზეა, შესაძლებელია, განისაზღვროს რამდენჯერ მეტად აქვს გამოხატული ამ ცვლადით განსაზღვრული თვისება ერთ ობიექტს მეორესთან შედარებით. 

მაგალითი: ფულის ერთეულში გამოხატული გაზომვები, სიმაღლე, წონა, მანძილი და სხვა. ამ დროს შესაძლებელია დადგენა რამდენჯერ აღემატება ერთი მონაცემი მეორეს, 15 ლარი 4 ლარს აღემატება 15/4=3.75-ჯერ, მაშინ, როცა არ იქნება სწორი თუ ვიტყვით, რომ 10 გრადუსი ტემპერატურა 5 გრადუსს 2-ჯერ აღემატება.   

***

გამოყენებული ლიტერატურა:

Field, A. (2013). Discovering Statistics Using IBM SPSS Statistics. SAGE Publications Ltd.

კისი, ჰ. (2008). სტატისტიკა სოციალურ მეცნიერებებში. სოციალურ მეცნიერებათა ცენტრი.  თბილისის უნივერსიტეტის გამომცემლობა