არცოდნის საბურველის ცნება ფილოსოფიაში ჯონ როულსის „სამართლიანობის თეორიის“ (1971) გამოქვეყნების შემდეგ დამკვიდრდა. როულსი „არცოდნის საბურველს“ იყენებს იმ ჰიპოთეზური საწყისი მდგომარეობის აღსაწერად, რომელშიც უნდა მოხდეს საზოგადოების წევრებს შორის თანაცხოვრების ბაზისური პრინციპების შესახებ შეთანხმება. როულსის აზრით, უნივერსალური, სამართლიანი და მორალურად გამართული პრინციპები იქნება ისინი, რომელთა შესახებაც შეთანხმდებიან მხარეები, რომელთაც არაფერი იციან საზოგადოებაში საკუთარი პოზიციის ან საზოგადოებრივი წესრიგის შესახებ. შესაბამისად, ისინი არ ამოდიან კლასობრივი ან პიროვნული ინტერესებიდან.

არცოდნის საბურველის იდეის ფემინისტური კრიტიკის მიხედვით, ის ეფუძნება დაშვებას, რომ შესაძლებელია ასეთი იდეალურად თანასწორი საფუძვლის არსებობა. ეს თეორეტიკოსისგან ყველა არსებული იერარქიიისა და უთანასწოროობის უგულებელყოფას მოითხოვს. ფემინისტთა აზრით, ასეთი ჰიპოთეზური მსჯელობა უყურადღებოდ ტოვებს ჩაგვრისა და იერარქიულობის სპეციფიკას და, შესაბამისად, მათი სერიოზული ანალიზის თავიდან აცილების საშუალებას იძლევა.

*** 

გამოყენებული ლიტერატურა: 

Code L. (2000), Encyclopedia of Feminist Theories, Routledge.