პოლიამორია სიტყვასიტყვით ნიშნავს მრავალ სიყვარულს. პოლიამორია გულისხმობს სქესობრივი და ემოციური კავშირის არამონოგამიურ მოდელს, ოღონდ, განსხვავებით პოლიგამიისაგან, ის ქორწინებასთან არ არის დაკავშირებული. პოლიამორია ღია და ურთიერთშეთანხმებული ურთიერთობაა რამდენიმე ადამიანს შორის. პოლიამორიაში ამოსავალი წერტილია ემოციური კავშირი, ინტიმი და გულახდილობა. პოლიამორიულ ურთიერთობაში მონაწილე ადამიანები თავს სხვა წევრების ერთგულად მიიჩნევენ, ხშირად სექსუალურ კონტექსტშიც. პოლიამორია უპირისპირდება რომანტიკულ სიყვარულის, როგორც ერთადერთ რჩეულთან ურთიერთობის გაბატონებულ კონცეფციას. ის გულისხმობს, რომ ადამიანი მოწოდებით არ არის მონოგამი და შეუძლია რომანტიკული ემოციური კავშირი განავითაროს ერთდროულად ერთზე მეტ ადამიანთან. პოლიამორიული ურთიერთობა, განსხვავებით პოლიგამიისაგან, რომელიც, გარდა ქორწინებაში მრავალცოლიანობის ან მრავალქმრიანობისა, შესაძლოა უბრალოდ არამონოგამიურ კავშირებს გულისხმობდეს, დამყარებულია პარტნიორთა ურთიერთგანდობაზე.

***

გამოყენებული ლიტერატურა:

Ed. Ember, C. R. Ember, M (2003). Encyclopedia of Sex and Gender, Men and Women in the World’s Cultures. Kluver Academic Plenum Publishers