ხდომილობის ალბათობის გამოთვლისას ხშირად საჭირო ხდება  კომბინატორული ანალიზის მეთოდების გამოყენება. კომბინატორული ანალიზის ძირითადი პრინციპია -  გამრავლების პრინციპი, რომლის არსიც ასეთია: თუ ასარჩევია k საგანი და არსებობს პირველი საგნის არჩევის $n_1$ ვარიანტი, ხოლო პირველი საგნის არჩევის შემდეგ არსებობს მეორე საგნის არჩევის $n_2$ ვარიანტი და ასე შემდეგ ბოლოს წინა k-1 საგნის არჩევის შემდეგ არსებობს k- ური საგნის არჩევის $n_k$ ვარიანტი, მაშინ არსებობს k საგნის ამ მიმდევრობით არჩევის $n_1\times n_2\times ...\times n_k$ ვარიანტი.  გადანაცვლების ფორმულა მიიღება ამ პრინციპიდან. გადანაცვლება n საგნისგან შემდგარი მიმდევრობების  რაოდენობაა. გადანაცვლებათა რაოდენობა ტოლია n!, სადაც n!სიმბოლოთი აღინიშნება ნამრავლი $1\times 2\times 3...\times n-1\times n$.

მაგალითი: რამდენი განსხვავებული რიგი შეიძლება შედგეს 5 ადამიანისგან? პასუხი: $5!=1\times 2\times 3\times 4\times 5=120$. 5 ადამიანი რიგში 120-ნაირად შეიძლება დადგეს.

***

გამოყენებული ლიტერატურა:

Field, A. (2013). Discovering Statistics Using IBM SPSS Statistics. SAGE Publications Ltd.

კისი, ჰ. (2008). სტატისტიკა სოციალურ მეცნიერებებში. სოციალურ მეცნიერებათა ცენტრი.  თბილისის უნივერსიტეტის გამომცემლობა