მრავლობითი რანგობრივი კორელაციის (კონკორდაციის) კოეფიციენტი - არაპარამეტრული სტატისტიკა, რომელიც ამოწმებს ექსპერტთა აზრის შეთანხმებულობას რამოდენიმე ფაქტორთან დაკავშირებით. მაგალითად, რამდენად შეთანხმებულია სხვადასხვა მსაჯების გადაწყვეტილებები კონკურსანტების შეფასებაში. 

მაგალითი: კონკურსში იღებს მონაწილეობას n კონკურსანტი და მათ აფასებს m მსაჯი. ვთქვათ, i- ურ კონკურსანტს j-ურმა მსაჯმა მიანიჭა რანგი $r_{ij}(1\le r_{ij}\le n).$ მაშინ $i$-ური კონკურსანტის ყველა მსაჯისაგან მიღებული რანგების ჯამია $R_i=\sum _{j=1}^m{R}_{ij}.$ ამ ჯამური რანგების საშუალოა $\overline{R}=\frac{1}{n}\sum _{i=1}^n{R}_1=\frac{m(n+1)}{2}.$ განვიხილოთ $R_1$ რანგების საშუალო რანგისაგან $\left(\overline{R}\right)$ გადახრების კვადრატების ჯამი $SS=\sum _{i=1}^n(R_1-\overline{R}{)}^2.$ კენდალის W კოეფიციენტი გამოითვლება ფორმულით: $W=\frac{12SS}{m^2(n^3-n)}.$ თუ W<0.4 მაშინ მსაჯების შეთანხმებულობა სუსტია, ხოლო თუ W>0.6 - ძლიერი.

***

გამოყენებული ლიტერატურა:

Field, A. (2013). Discovering Statistics Using IBM SPSS Statistics. SAGE Publications Ltd.

კისი, ჰ. (2008). სტატისტიკა სოციალურ მეცნიერებებში. სოციალურ მეცნიერებათა ცენტრი.  თბილისის უნივერსიტეტის გამომცემლობა